CTAM əməkdaşları “Qərbi Azərbaycan: Tarixin izi ilə” layihəsində

“Cosmoline” Tərcümə və Araşdırma Mərkəzi Bakı Dövlət Universiteti (BDU), Qərbi Azərbaycan İcması (QAİ) və “Regional İnkişaf” İctimai Birliyinin (RİİB) birgə təşkilatçılığı ilə “Qərbi Azərbaycan: Tarixin izi ilə” layihəsi çərçivəsində baş tutmuş məlumatlandırıcı infosessiyada iştirak etmişdir.

İnfosessiyada açılış nitqi ilə çıxış edən BDU-nun sosial məsələlər, tələbələrlə iş və ictimaiyyətlə əlaqələr üzrə prorektoru Əliş Ağamirzəyev, Milli Məclisin Gənclər və İdman Komitəsinin, QAİ-nin Gənclər Şurasının sədri Şahin İsmayılov, layihənin rəhbəri, RİİB-in əməkdaşı Orucəli Abbasazdə, professor İbrahim Bayramov və dosent Aydın Məmmədov tarixi həqiqətlərin gənc auditoriyaya çatdırılmasının vacibliyini diqqətə çatdırmışlar.

Mərkəzimizin Qafqaz regionu üzrə eksperti, QAİ-nin Keşişkənd icmasının Gənclər üzrə məsul şəxsi Həsən Əhmədov İ.Bayramov və A.Məmmədovla mövzuya dair gələcəkdə birgə işlərin görülməsinin mümkünlüyünü müzakirə etmişdir.